అచ్చంపేట AUPS స్కూల్ దాత సాదే రాజు - విద్యావేత్త సేవలు

07, Apr 2026 Achampet 176 Views

అచ్చంపేట 'కర్ణుడు' సాదే రాజు: ప్రభుత్వ పాఠశాలకు కార్పొరేట్ హంగులు.. విద్యార్థుల పాలిట మహాదాత!

అచ్చంపేట: సమాజంలో మార్పు అనేది ఒక్కరితోనే మొదలవుతుందని నిరూపిస్తున్నారు ప్రముఖ విద్యావేత్త, దాత శ్రీ సాదే రాజు గారు. అచ్చంపేట పట్టణంలోని AUPS ప్రభుత్వ పాఠశాలను ప్రైవేట్ పాఠశాలలకు దీటుగా, అత్యంత ప్రామాణికమైన వసతులతో తీర్చిదిద్ది తన దాతృత్వాన్ని చాటుకున్నారు.

పాఠశాలలో కల్పించిన వినూత్న వసతులు: పేద విద్యార్థుల చదువు కోసం సాదే రాజు గారు లక్షలాది రూపాయల వ్యయంతో పాఠశాలలో మౌలిక సదుపాయాలను మెరుగుపరిచారు. విద్యార్థుల కోసం బెంజీలు, టైల్స్, రైటింగ్ ఆర్ట్స్, ఎలక్ట్రికల్ వర్క్, మరియు అత్యాధునిక బోర్డులను ఏర్పాటు చేశారు. శుద్ధమైన తాగునీటి కోసం వాటర్ ప్లాంట్, పర్యావరణ పరిరక్షణ కోసం ఇంకుడు గుంతలను నిర్మించారు. కేవలం వసతులే కాకుండా, ప్రతి విద్యార్థికి రెండు జతల యూనిఫాం డ్రెస్సులు, షూస్, బుక్స్ అందజేసి వారి తల్లిదండ్రులకు ఆసరాగా నిలిచారు.

అచ్చంపేట సీతాకోకచిలక - సాదే రాజు: గొంగళి పురుగు కష్టాలను ఓర్చి సీతాకోకచిలకగా రూపాంతరం చెందినట్లుగా, సాదే రాజు గారు ఎన్నో వ్యయప్రయాసలకు ఓర్చి విద్యార్థుల భవిష్యత్తును వెలిగిస్తున్నారు. అచ్చంపేట నియోజకవర్గంలో ఎంతో మంది పేద విద్యార్థులకు గుప్తదానాలు చేస్తూ, విద్యను అందించడంలో ఆయన చూపిస్తున్న ప్రేమ, అనురాగాలకు విద్యార్థులు మరియు వారి తల్లిదండ్రులు సదా కృతజ్ఞతలు తెలుపుకుంటున్నారు. నేటి కాలంలో ఒక మహాదాతగా, విద్యావేత్తగా సాదే రాజు గారు అందిస్తున్న సేవలు అందరికీ స్ఫూర్తిదాయకం.