అచ్చంపేట పట్టణ అభివృద్ధి పనుల పై ... రాష్ట్ర ఉపముఖ్యమంత్రి భట్టి విక్రమార్క గారిని కలిసి మ్మెల్

08, Sep 2025 Achampet 176 Views

హైదరాబాద్/అచ్చంపేట:

అచ్చంపేట పట్టణ అభివృద్ధి ప్రణాళిక పనులు, నిధుల విడుదల విషయమై స్థానిక ఎమ్మెల్యే డాక్టర్ చిక్కుడు వంశీకృష్ణ ఈరోజు రాష్ట్ర సచివాలయంలో గౌరవ రాష్ట్ర ఉపముఖ్యమంత్రి శ్రీ మల్లు భట్టి విక్రమార్క గారిని మర్యాదపూర్వకంగా కలిశారు.

అచ్చంపేట అభివృద్ధి పనులకు నిధుల కోసం విజ్ఞప్తి:

పట్టణ అభివృద్ధిపై దృష్టి సారించిన ఎమ్మెల్యే వంశీకృష్ణ, అచ్చంపేట పట్టణంలో పెండింగ్‌లో ఉన్న కీలక పనులు, పట్టణ ప్రణాళిక పనులకు నిధులు విడుదల చేయాలని ఉపముఖ్యమంత్రిని కోరారు. ముఖ్యంగా:

• అండర్ గ్రౌండ్ డ్రైనేజీ వ్యవస్థ నిర్మాణం.

• ఎన్టీఆర్ స్టేడియం ఆధునీకరణ.

• పట్టణంలో సీసీ రోడ్ల నిర్మాణం వంటి పనులకు త్వరగా నిధులు విడుదల చేయాలని విజ్ఞప్తి చేశారు.

అమ్రాబాద్ సబ్‌స్టేషన్‌కు ప్రత్యేక ధన్యవాదాలు:

అమ్రాబాద్ మండల కేంద్రంలో 220/33 కేవీ విద్యుత్ సబ్ స్టేషన్ ఏర్పాటుకు పరిపాలనా అనుమతులు మరియు నిధులు మంజూరు చేసినందుకు ఎమ్మెల్యే వంశీకృష్ణ, డిప్యూటీ సీఎం భట్టి విక్రమార్క గారికి ప్రత్యేక ధన్యవాదాలు తెలియజేశారు.

ఈ సందర్భంగా డిప్యూటీ సీఎం భట్టి విక్రమార్క గారు స్పందిస్తూ... త్వరలోనే అమ్రాబాద్, అచ్చంపేట ప్రాంతాల్లో పర్యటించి, 220/33 KV సబ్ స్టేషన్ నిర్మాణానికి భూమి పూజ చేస్తామని హామీ ఇచ్చారు.

అచ్చంపేట నియోజకవర్గ అభివృద్ధిలో భాగస్వామ్యం కావాలని ఎమ్మెల్యే కోరగా, ఉపముఖ్యమంత్రి సానుకూలంగా స్పందించి, త్వరలోనే అభివృద్ధి పనులకు నిధులు విడుదల చేయడం జరుగుతుందని హామీ ఇచ్చారు.

TAGS: Achampet Development Works, MLA Chikkudu Vamshikrishna, Deputy CM Bhatti Vikramarka, Amrabad Substation, Underground Drainage Achampet, NTR Stadium Modernization, Achampet MLA Chikkudu Vamshikrishna, Dr Vamshikrishna Achampet, Deputy CM Mallu Bhatti Vikramarka, Achampet development works, underground drainage Achampet, stadium modernization Telangana, Telangana government funds, development projects Achampet, Nagarkurnool district news, infrastructure development Telangana, state funds release, Bhatti Vikramarka assurance, Achampet constituency development, Telangana latest political news, public works funding