పాలెం/నాగర్‌కర్నూల్: మహిళలు మరియు బాలికల భద్రతే లక్ష్యంగా నాగర్‌కర్నూల్ జిల్లా పోలీసు శాఖ ఆధ్వర్యంలో పాలెం అగ్రికల్చర్ కళాశాలలో భారీ అవగాహన కార్యక్రమం నిర్వహించారు. ఈ కార్యక్రమంలో జిల్లా షీ టీం ఏఎస్ఐ (ASI) విజయలక్ష్మి, భరోసా కో-ఆర్డినేటర్ శ్రీలత, మరియు సఖీ సెంటర్ అడ్మిన్ సునీత పాల్గొని విద్యార్థినులకు భద్రతా అంశాలపై దిశానిర్దేశం చేశారు.
షీ టీం ఏఎస్ఐ విజయలక్ష్మి మాట్లాడుతూ.. ఈవ్-టీజింగ్, స్టాకింగ్, ర్యాగింగ్, ఆన్‌లైన్ వేధింపులు లేదా బెదిరింపులకు గురైతే ఏమాత్రం భయపడకుండా పోలీసులను ఆశ్రయించాలని కోరారు. మహిళలు స్వేచ్ఛగా జీవించే వాతావరణం కల్పించడమే షీ టీమ్స్ ప్రధాన ఉద్దేశమని, ఆపదలో ఉన్నవారు వెంటనే డయల్ 100 లేదా షీ టీం నంబర్ 8712657676 కు కాల్ చేయాలని సూచించారు. ఫిర్యాదుదారుల వివరాలు పూర్తిగా గోప్యంగా ఉంచుతామని ఆమె భరోసా ఇచ్చారు.
భరోసా సెంటర్ కో-ఆర్డినేటర్ శ్రీలత మాట్లాడుతూ.. లైంగిక వేధింపులు మరియు పోక్సో (POCSO) కేసుల బాధితులకు ఒకే చోట వైద్య, న్యాయ మరియు కౌన్సెలింగ్ సేవలు అందుతాయని వివరించారు. సఖీ సెంటర్ అడ్మిన్ సునీత గృహ హింస బాధితుల కోసం అందుబాటులో ఉన్న షెల్టర్ మరియు న్యాయ సహాయం గురించి తెలిపారు. ఏదైనా ఆపద ఉంటే 181 నంబర్‌కు సంప్రదించాలని సూచించారు.
ఈ కార్యక్రమంలో కళాశాల అసోసియేట్ డీన్ పుష్పవతి, అసిస్టెంట్ ప్రొఫెసర్ సత్యనారాయణ, ఇతర అధ్యాపకులు మరియు విద్యార్థులు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
