Nagarkurnool District Media Accreditation Committee DMAC Formation 2026-28

21, Feb 2026 Achampet 176 Views

నాగర్ కర్నూల్ జిల్లా మీడియా అక్రిడిటేషన్ కమిటీ (DMAC) ఏర్పాటుకు కసరత్తు: ఫిబ్రవరి 23 లోపు దరఖాస్తులకు ఆహ్వానం

నాగర్ కర్నూల్: జిల్లాలోని మీడియా ప్రతినిధులకు 2026-28 సంవత్సరాలకు గాను కొత్త అక్రిడిటేషన్ కార్డుల జారీ ప్రక్రియను పర్యవేక్షించేందుకు "జిల్లా మీడియా అక్రిడిటేషన్ కమిటీ (DMAC)" ఏర్పాటుకు జిల్లా పౌర సంబంధాల శాఖ చర్యలు చేపట్టింది. రాష్ట్ర సమాచార పౌర సంబంధాల శాఖ కమిషనర్ ఆదేశాల మేరకు ఈ ప్రక్రియ ప్రారంభమైంది.

ప్రతినిధుల ఎంపిక - నిబంధనలు: ప్రభుత్వ జీవో నెం. 252 ప్రకారం, వివిధ కేటగిరీల నుండి ప్రతినిధులను కమిటీ సభ్యులుగా ఎంపిక చేయనున్నారు. ఆసక్తి గల మీడియా అసోసియేషన్లు, సంఘాలు తమ ప్రతినిధుల పేర్లను లెటర్ ప్యాడ్ ద్వారా ఫిబ్రవరి 23వ తేదీ ఉదయం 11:00 గంటల లోపు జిల్లా పౌర సంబంధాల అధికారి (DPRO) కార్యాలయంలో అందజేయాలి.

కమిటీలో సభ్యుల కేటగిరీల వివరాలు:

1. బిగ్ తెలుగు డైలీ (1 ప్రతినిధి)

2. ఉర్దూ డైలీ (1 ప్రతినిధి)

3. మీడియం డైలీ (1 ప్రతినిధి)

4. స్మాల్ డైలీ (1 ప్రతినిధి)

5. ఎలక్ట్రానిక్ మీడియా (1 ప్రతినిధి)

6. వీడియో జర్నలిస్ట్ (1 ప్రతినిధి)

7. ఫోటో జర్నలిస్ట్ (1 ప్రతినిధి)

అర్హతలు: జీవో 252 లోని రూల్ 3 ప్రకారం, ప్రతిపాదిత ప్రతినిధులు ఫుల్ టైమ్ జర్నలిస్టులై ఉండాలి. బిగ్ డైలీ మరియు ఎలక్ట్రానిక్ మీడియా ప్రతినిధులకు 10 ఏళ్ల అనుభవం, మిగిలిన వారికి కనీసం 5 ఏళ్ల అనుభవం ఉండాలి. గడువు ముగిసిన తర్వాత వచ్చే దరఖాస్తులను ఎట్టి పరిస్థితుల్లోనూ స్వీకరించబోమని అధికారులు స్పష్టం చేశారు.