నాగర్ కర్నూల్: జిల్లాలోని కుమ్మెర గ్రామంలో చిన్నారి మృతికి కారణమైన వారిపై భారత శిక్షాస్మృతిలోని అన్ని కఠిన చట్టాలను ప్రయోగించి శిక్షించాలని సీపీఐ జిల్లా కార్యదర్శి ఎస్.ఎం.డి. ఫయాజ్ డిమాండ్ చేశారు. ఈ ఘటనకు నిరసనగా సీపీఐ శ్రేణులు సోమవారం జిల్లా కేంద్రంలో భారీ ఆందోళన చేపట్టాయి.
ఉద్రిక్త వాతావరణం: సీపీఐ జిల్లా కార్యాలయం నుండి 'కులోన్మాద దిష్టిబొమ్మ'తో బయలుదేరిన కార్యకర్తలు అంబేద్కర్ చౌరస్తాలో దానిని దహనం చేసేందుకు ప్రయత్నించారు. ఈ క్రమంలో పోలీసులు అడ్డుకోవడంతో ఇరువర్గాల మధ్య భారీ తోపులాట జరిగి ఉద్రిక్తత చోటుచేసుకుంది. అనంతరం నేతలు రోడ్డుపైనే బైఠాయించి నినాదాలు చేశారు.
సిట్టింగ్ జడ్జితో విచారణ జరపాలి: ఈ సందర్భంగా ఫయాజ్ మాట్లాడుతూ.. ఆధునిక కాలంలో కూడా కులం కంపుతో పసిపాప ప్రాణాలు తీయడం సమాజం సిగ్గుతో తలవంచుకోవాల్సిన విషయమన్నారు. ఒక తల్లి కడుపు కోతను ఏ పార్టీ, ఏ నాయకుడు తీర్చలేరని ఆవేదన వ్యక్తం చేశారు.
డిమాండ్లు: ఈ ఘటనపై హైకోర్టు సిట్టింగ్ జడ్జితో విచారణ జరిపించాలని, బాధిత కుటుంబానికి ప్రభుత్వం తరఫున ₹1 కోటి నష్టపరిహారం తక్షణమే అందజేయాలని డిమాండ్ చేశారు. బాధిత కుటుంబానికి న్యాయం జరిగే వరకు సీపీఐ పోరాటం కొనసాగిస్తుందని స్పష్టం చేశారు.
ఈ కార్యక్రమంలో సీపీఐ నేతలు శివశంకర్, రవీందర్, కిరణ్ కుమార్, మహిళా నేత గుంటి అనూష మరియు ఇతర కార్యకర్తలు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
