బసవేశ్వరుడి ఆశయాలను ఆచరిద్దాం.. ఆదర్శ సమాజాన్ని నిర్మిద్దాం: కలెక్టర్ సంతోష్ నాయక్

20, Apr 2026 Achampet 176 Views

బసవేశ్వరుడి ఆశయాలను ఆచరిద్దాం.. ఆదర్శ సమాజాన్ని నిర్మిద్దాం: జిల్లా కలెక్టర్ భదావత్ సంతోష్ నాయక్

నాగర్ కర్నూల్: వర్ణ వివక్ష, అంటరానితనం వంటి సామాజిక రుగ్మతలకు వ్యతిరేకంగా పోరాడిన గొప్ప సంస్కర్త శ్రీశ్రీశ్రీ బసవేశ్వర స్వామి అని, ఆయన ఆశయాలను ఆచరించడం ద్వారానే ఆదర్శ సమాజ నిర్మాణం సాధ్యమవుతుందని జిల్లా కలెక్టర్ భదావత్ సంతోష్ నాయక్ అన్నారు. బిసి సంక్షేమ శాఖ ఆధ్వర్యంలో సోమవారం జిల్లా కలెక్టరేట్ కార్యాలయంలో బసవేశ్వర స్వామి జయంతి ఉత్సవాలను ఘనంగా నిర్వహించారు.

ఈ కార్యక్రమానికి ముఖ్య అతిథులుగా జిల్లా కలెక్టర్ తో పాటు నాగర్ కర్నూల్ శాసనసభ్యులు శ్రీ కూచుకుళ్ళ రాజేష్ రెడ్డి హాజరై బసవేశ్వరుడి చిత్రపటానికి పూలమాలలు వేసి నివాళులర్పించారు. ఈ సందర్భంగా కలెక్టర్ మాట్లాడుతూ.. వందల సంవత్సరాల క్రితమే బసవేశ్వరుడు సామాజిక చైతన్యం కోసం అనేక కార్యక్రమాలు నిర్వహించి అందరికీ ఆదర్శప్రాయుడిగా నిలిచారని కొనియాడారు.

ఎమ్మెల్యే రాజేష్ రెడ్డి మాట్లాడుతూ.. బసవేశ్వరుడి లక్ష్యాలను ప్రతి ఒక్కరూ తమ జీవితంలో భాగం చేసుకోవాలని పిలుపునిచ్చారు. నాగర్ కర్నూల్ పట్టణ కేంద్రంలో బసవేశ్వరుడి విగ్రహ ఏర్పాటుకు తన వంతు సహకారం అందిస్తానని ఆయన హామీ ఇచ్చారు.

ఈ కార్యక్రమంలో మున్సిపల్ చైర్మన్ సురేంద్ర, బీసీ కార్పొరేషన్ అధికారి రామ్ నాయక్, తెలంగాణ మేదరీ మహేంద్ర సంఘం రాష్ట్ర ప్రచార కార్యదర్శి రమాకాంత్, లింగాయత్ సమాజం అధ్యక్షులు గిరిజా శంకర్, కార్యదర్శి రాజేష్ కుమార్, నాగర్ కర్నూల్ జిల్లా మేదరి మహేంద్ర సంఘం గౌరవాధ్యక్షుడు కోన తిరుపతయ్య, కౌన్సిలర్లు, బీసీ కార్పొరేషన్ సిబ్బంది మరియు వివిధ సంఘాల నాయకులు పాల్గొన్నారు.