నాగర్కర్నూల్: అమ్రాబాద్ టైగర్ రిజర్వ్ (ATR) కోర్ ప్రాంతంలోని గ్రామాల పునరావాస ప్రక్రియను అత్యంత పారదర్శకగా, ప్రభుత్వ మార్గదర్శకాలకు అనుగుణంగా పూర్తి చేయాలని జిల్లా కలెక్టర్ బదావత్ సంతోష్ అధికారులను ఆదేశించారు. కలెక్టరేట్ కార్యాలయంలో కొల్లంపెంట, సర్లపల్లి, కుడిచింతల బైలు, తాటిగుండల పెంట గ్రామాల తరలింపుపై ఆయన సమీక్ష నిర్వహించారు.
ముఖ్యమైన నిర్ణయాలు:
సంపూర్ణ జీవన వ్యవస్థ: పునరావాసం అంటే కేవలం ఇళ్ల నిర్మాణం మాత్రమే కాదని, అక్కడ నివసించే ప్రజలకు సంపూర్ణ జీవన వ్యవస్థను ఏర్పాటు చేయాలని కలెక్టర్ స్పష్టం చేశారు.
భూమి కేటాయింపు: పునరావాసం పొందే ప్రతి కుటుంబానికి 5 ఎకరాల వ్యవసాయ భూమిని రెవెన్యూ పట్టాలతో కేటాయించనున్నారు. అయితే, ఈ భూమిని విక్రయించడంపై 10 సంవత్సరాల పాటు పరిమితి ఉంటుంది.
నగదు పరిహారం: 160 మంది లబ్ధిదారులకు తల 15 లక్షల రూపాయల పరిహారం చెలించేందుకు చర్యలు తీసుకోవాలని, వెంటనే లబ్ధిదారులకు జాయింట్ బ్యాంక్ ఖాతాలు తెరవాలని ఆదేశించారు.
మౌలిక వసతులు: బాచారం రిజర్వ్ ఫారెస్ట్లో భూమి మళ్లింపుకు అనుమతులు వచ్చిన నేపథ్యంలో.. అక్కడ త్రాగునీరు, విద్యుత్, రహదారులు, డ్రైనేజీతో పాటు పాఠశాలలు, అంగన్వాడీలు, ఆరోగ్య కేంద్రాలను తక్షణమే ఏర్పాటు చేయాలని సూచించారు.
అమ్రాబాద్ టైగర్ రిజర్వ్ దేశానికే తలమానికంగా ఉందని, దాని ప్రత్యేకతను కాపాడుతూనే గిరిజన గ్రామాలకు మెరుగైన పునరావాసం కల్పించడమే తమ లక్ష్యమని కలెక్టర్ తెలిపారు. ఈ సమావేశంలో అదనపు కలెక్టర్, అటవీ శాఖ అధికారులు మరియు సర్లపల్లి సర్పంచ్ రాములు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
