అచ్చంపేటలో గ్రామా బోడ్రాయి, శ్రీ పోచమ్మ అమ్మవారి ప్రథమ వార్షికోత్సవాలు

18, Apr 2026 Achampet 176 Views

అచ్చంపేటలో వైభవంగా గ్రామ బోడ్రాయి, శ్రీ పోచమ్మ అమ్మవారి ప్రథమ వార్షికోత్సవాలు

అచ్చంపేట: పురాణప్రసిద్ధి గాంచిన అచ్చంపేట పట్టణంలో శ్రీ మహా త్రిపుర సుందరీ స్వరూపమైన గ్రామ బోడ్రాయి (నాభిశిల) మరియు శ్రీ పోచమ్మ అమ్మవారి ఆలయ ప్రథమ వార్షికోత్సవ వేడుకలు ఏప్రిల్ 23, 2026 (గురువారం) నాడు అత్యంత వైభవంగా జరగనున్నాయి.

పూజా కార్యక్రమాల వివరాలు: ఆచార్య కాండూరు లక్ష్మణస్వామి నేతృత్వంలో ఈ ఆధ్యాత్మిక వేడుకలు నిర్వహించబడతాయి. రోజంతా జరిగే విశేష పూజల వివరాలు ఇలా ఉన్నాయి:

• ఉదయం 5 గంటల నుండి: గణపతి పూజ, పుణ్యాహవచనం మరియు శ్రీ పోచమ్మ అమ్మవారికి పంచామృతాభిషేక విశేషార్చనలు జరుగుతాయి. 7 గంటలకు గ్రామస్తులందరి ఆధ్వర్యంలో పూర్ణకుంభాలతో శోభాయాత్ర నిర్వహించి బోడ్రాయికి అభిషేకం చేస్తారు.
• మధ్యాహ్నం 11 గంటలకు: లోక కళ్యాణార్థం చండీ హోమం నిర్వహిస్తారు. అనంతరం తీర్థప్రసాద వితరణ ఉంటుంది.
• సాయంత్రం 4 గంటల నుండి: మహిళలు భక్తిశ్రద్ధలతో బోనాల సమర్పణ చేస్తారు. 6 గంటలకు మహిళలందరిచే సామూహిక కుంకుమార్చన కార్యక్రమం ఉంటుంది.
• రాత్రి 8 గంటలకు: గ్రామ కళ్యాణార్థం శ్రీ శివపార్వతుల కళ్యాణ మహోత్సవం అంగరంగ వైభవంగా జరగనుంది. అనంతరం మంగళహారతి మరియు అన్నప్రసాద వితరణతో వేడుకలు ముగుస్తాయి.

ముఖ్య అతిథులు: ఈ మహోత్సవానికి ముఖ్య అతిథులుగా అచ్చంపేట శాసనసభ్యులు గౌరవనీయులు డాక్టర్ చిక్కుడు వంశీకృష్ణ గారు, అమ్రాబాద్ జెడ్పీటీసీ డాక్టర్ చిక్కుడు అనురాధ గారు హాజరుకానున్నారు. మున్సిపల్ చైర్మన్ గార్లపాటి శ్రీనివాసులు, అచ్చంపేట గ్రామ బోడ్రాయి కమిటీ మరియు గ్రామస్తులు భక్తులందరికీ సాదర ఆహ్వానం పలుకుతున్నారు. ఈ విశేష పూజల్లో పాల్గొని అమ్మవారి కృపకు పాత్రులు కావాలని కోరుతున్నారు.